អាជ្ញាធរជាតិដោះស្រាយវិវាទក្រៅប្រព័ន្ធតុលាការ សហការជាមួយក្រសួងយុត្តិធម៌នៃសាធារណរដ្ឋកូរ៉េ រៀបចំសិក្ខាសាលាស្ដីពី "ការស្វែងយល់ពីវិធីសាស្រ្តសម្រុះសម្រួលផ្សះផ្សាវិវាទ"
នាព្រឹកថ្ងៃទី២៩ ខែវិច្ឆិកា ឆ្នាំ២០២៤ នៅសាលប្រជុំនៃ អ.ដ.ក., អាជ្ញាធរជាតិដោះស្រាយវិវាទក្រៅប្រព័ន្ធតុលាការ សហការជាមួយក្រសួងយុត្តិធម៌នៃសាធារណរដ្ឋកូរ៉េ រៀបចំសិក្ខាសាលាស្ដីពី "ការស្វែងយល់ពីវិធីសាស្រ្តសម្រុះសម្រួលផ្សះផ្សាវិវាទ " ក្រោមអធិបតីភាព លោក ប៉ូច សោភ័ណ អនុរដ្ឋលេខាធិការក្រសួងយុត្តិធម៌ និងជាសមាជិក អ.ដ.ក., លោក មាស សុកែវ អនុរដ្ឋលេខាធិការក្រសួងយុត្តិធម៌ និងជាសមាជិក អ.ដ.ក. និងលោកស្រី Jinah PARK អគ្គនាយករងនៃក្រសួងយុត្តិធម៌នៃសាធារណរដ្ឋកូរ៉េ។
សិក្ខាសាលានេះ ក៏មានការអញ្ជើញជាវាគ្មិនកិត្តិយសពីសំណាក់លោកស្រី Wonkyung CHang សាស្ត្រចារ្យនៃសកលវិទ្យាល័យ EWA Women និងដោយមានសិក្ខាកាមចូល រួមមាន ថ្នាក់ដឹកនាំនិងមន្ត្រីនៃអគ្គលេខាធិការដ្ឋាននៃ អ.ដ.ក., គណៈប្រតិភូក្រសួងយុត្តិធម៌នៃសាធារណរដ្ឋកូរ៉េ និងមន្ត្រីសម្រុះសម្រួលដោះស្រាយវិវាទនៃ អ.ដ.ក. សរុប ៩០ រូប។
សិក្ខាសាលានេះត្រូវបានរៀបចំឡើងក្នុងគោលបំណងចែករំលែកនូវបទពិសោធន៍ វិធីសាស្ត្រក្នុងការសម្រុះសម្រួលវិវាទ ក៏ដូចជាកំណត់ពូបញ្ហាប្រឈមនៅក្នុងយន្តការដោះស្រាយវាក្រៅប្រព័ន្ធតុលាការ សម្រាប់យកទៅអនុវត្តការងារដោះស្រាយវិវាទក្នុងក្របខ័ណ្ឌ អ.ដ.ក. ឱ្យកាន់តែមានប្រសិទ្ធភាព រួមចំណែកឈានទៅសម្រេចបាននូវទិសដៅ និងបេសកកម្មការងាររបស់ អ.ដ.ក.។
